‘സെക്രട്ടറിയേറ്റിൽ തീപിടുത്തം ഉണ്ടാകുന്നതും മുരളി തുമ്മാരുകുടി പ്രവചിച്ചിരുന്നോ’ എന്ന് ട്രോൾ
ട്രോളണ്ട, പ്രവചിച്ചിരുന്നു. നാലു വർഷം മുൻപ്. അതിന് ശേഷം ഇതിപ്പോൾ രണ്ടാമത്തേതാണ്, അവസാനത്തേതല്ല.
“ഇക്കണ്ടതൊന്നും തീയല്ല മന്നവാ” എന്നു നമ്മളെക്കൊണ്ടു പറയിക്കുന്ന അഗ്നിബാധക്കുള്ള എല്ലാ സാഹചര്യവും അവിടെയുണ്ട്.
ഇതാണ് 2019 ൽ പറഞ്ഞത്,
“നമ്മുടെ ഭരണ സിരാകേന്ദ്രമായ സെക്രട്ടറിയേറ്റ് കണ്ടിട്ടുള്ള സുരക്ഷാ വിദഗ്ദ്ധര് തലയില് കൈ വച്ച് ഉടന് സ്ഥലം കാലിയാക്കാന് നോക്കും. മരത്തിന്റെ ഫ്ലോര്, പ്ലൈവുഡിന്റെ പാനല്, എവിടെയും കെട്ടുകെട്ടായി ഫയലുകള്, നിലത്തുകൂടി ലൂസ് ആയി കിടക്കുന്ന ഇലക്ട്രിക് വയറുകള്, പല റൂമുകളിലും ചായയും കാപ്പിയും ഉണ്ടാക്കാനുള്ള സംവിധാനം. മുറികളില് നിന്നും എങ്ങനെയാണ് പുറത്തെത്തുന്നത് എന്ന് സന്ദര്ശകര്ക്ക് തീരെ പിടികിട്ടാത്ത തരത്തിലുള്ള ഇടനാഴികളും ഗോവണികളും. ഓരോ തവണയും മന്ത്രിമാരുടെയും സെക്രട്ടറിമാരുടെയും റൂമിനടുത്തുകൂടെ പോകുന്പോള് ഞാന് ഈ കാര്യം ഓര്ക്കാറുണ്ട്. എന്നെങ്കിലും ഇവിടെ ഒരു ഫയര് സേഫ്റ്റി ഓഡിറ്റ് നടന്നിട്ടുണ്ടോ? ഏതെങ്കിലും കാലത്ത് ഒരു ഫയര് ഡ്രില് അവിടെ സാധിക്കുമോ? എന്നാണ് ഭരണ സിരാകേന്ദ്രത്തിന് ‘തീ പിടിക്കുന്നത്’. എനിക്ക് കരിനാക്ക് ഉണ്ടെന്ന് അറിയാവുന്നവര് അവിടെ ഉണ്ട്, അവരൊന്നു പേടിച്ചോട്ടെ എന്നോര്ത്ത് പറഞ്ഞതാണ്. അങ്ങനെ എങ്കിലും ഒരു സുരക്ഷാ ഓഡിറ്റ് അവിടെ നടക്കട്ടെ! ‘
(റബര് കഴുത്തുകളുടെ കേന്ദ്രം, ഫെബ്രുവരി 20, 2019)
മാമനോടൊന്നും തോന്നല്ലേ…
മുരളി തുമ്മാരുകുടി
Leave a Comment