യുവാക്കളും ദുരിതാശ്വാസവും

കുട്ടനാട് പോലുള്ള, വെള്ളത്താൽ ചുറ്റപ്പെട്ടു കിടക്കുന്ന പ്രദേശങ്ങളിലെ ദുരിതാശ്വാസ പ്രവർത്തനത്തെക്കുറിച്ച് സമ്മിശ്രമായ റിപ്പോർട്ടുകളാണ് കിട്ടുന്നത്. ഒരാഴ്ചയായി കറണ്ടില്ലാതെ, വെള്ളമില്ലാതെ, പച്ചക്കറിയില്ലാതെ, ടോയ്‌ലറ്റ് ഇല്ലാതെ ആളുകൾ കഷ്ടപ്പെടുന്നു എന്ന് ഒരു സെറ്റ് റിപ്പോർട്ട്. ദുരിതാശ്വാസ ക്യാംപുകൾ വളരെ നല്ല രീതിയിൽ പോകുന്നുവെന്ന് മറ്റൊരു റിപ്പോർട്ട്. ഏതാണ് ശരി, അതോ രണ്ടും ശരിയാണോ എന്നൊന്നും ദൂരെ ഇരുന്നു തീരുമാനിക്കാൻ പറ്റില്ല. എന്താണെങ്കിലും ദുരിതാശ്വാസത്തിന് പണത്തിന്റെയോ വസ്തുക്കളുടെയോ താല്പര്യത്തിന്റെയോ സംവിധാനത്തിന്റെയോ ക്ഷാമമുള്ള പ്രദേശം അല്ല കേരളം.