കൊറോണ എന്ന വെല്ലുവിളി – ഇന്നലെ, ഇന്ന്, നാളെ.

നമ്മുടെ തലമുറ ഇന്നേവരെ നേരിട്ടിട്ടുള്ളതിൽ ഏറ്റവും വലിയ വെല്ലുവിളിയാണ് കൊറോണ എന്നുള്ളതിൽ സംശയമില്ല. സാധാരണഗതിയിൽ ലോകത്തിലെ ഒരു രാജ്യമോ പ്രദേശമോ ഒരു യുദ്ധത്തെയോ ദുരന്തത്തെയോ നേരിടുന്പോൾ മറ്റു പ്രദേശങ്ങൾ സുരക്ഷിതമാണ്. അതുകൊണ്ട് തന്നെ ദുരന്തത്തിൽ അകപ്പെട്ടവർക്ക് സഹായം ചെയ്യാൻ അവർക്ക് സാധിക്കുന്നു. പക്ഷെ കൊറോണ ലോകത്തെ എല്ലാ രാജ്യങ്ങളെയും ഒരു പോലെ ബാധിച്ചിരിക്കുന്നതിനാൽ “തനിക്ക് താനും പുരക്ക് തൂണും” എന്ന മട്ടിലാണ് ലോകം.