നമ്മുടെ ആൺകുട്ടികൾ എവിടെ പോകുന്നു?

ഈ വർഷം നാട്ടിൽ പോയപ്പോൾ കേരള അഗ്രിക്കൾച്ചറൽ യൂണിവേഴ്സിറ്റിയിലെ ഗ്രാഡുവേറ്റിങ്ങ് ബാച്ചിനെ കാണാൻ സാധിച്ചു. എൺപത് ശതമാനവും പെൺകുട്ടികൾ ആണ്.

ഉന്നത വിദ്യാഭ്യാസ രംഗത്തെ മറ്റെല്ലാ കണക്കുകളിലും പെൺകുട്ടികളുടെ എണ്ണം ആൺകുട്ടികളേക്കാൾ വളരെ കൂടുതൽ ആണ്.

സ്ത്രീകൾ ഉന്നത വിദ്യാഭ്യാസരംഗത്ത് വരുന്നത് വലിയ സന്തോഷം തന്നെയാണ്. പക്ഷെ നമ്മുടെ ആൺകുട്ടികൾ എവിടെയാണ് പോകുന്നത്? കേരളത്തിന് പുറത്തേക്ക് പഠിക്കാൻ പോകുന്നവരിൽ കൂടുതലും ആൺകുട്ടികൾ ആണോ? പ്ലസ് ടു കഴിഞ്ഞാൽ ഉടനെ നമ്മുടെ ആൺകുട്ടികൾ കാറ്ററിങ് മുതൽ സോമറ്റോ വരെയുള്ള ജോലികൾക്ക് പോവുകയാണോ?

ഇക്കാര്യത്തിൽ ആർക്കെങ്കിലും കൂടുതൽ ഡാറ്റയോ അറിവോ ഉണ്ടോ?

മുരളി തുമ്മാരുകുടി