വരാനിരിക്കുന്ന ദുരന്തം

ആയിരത്തിലധികം ഹൗസ് ബോട്ടുകൾ ഉണ്ട് ആലപ്പുഴയിൽ എന്നു പറയപ്പെടുന്നു. ഇവയിൻ ഓരോന്നിലും ഭക്ഷണം പാകം ചെയ്യാനുള്ള സംവിധാനമുണ്ട്. അതിൽ നിന്നും തീ പടരാനുള്ള സാധ്യതയും.

അങ്ങനൊന്ന് ഉണ്ടായാൽ കൈകാര്യം ചെയ്യാനുള്ള ഒരു പരിശീലനവും ബോട്ടിലെ തൊഴിലാളികൾക്ക് ലഭിച്ചിട്ടില്ല. പലപ്പോഴായി ചെറിയ അഗ്‌നിബാധകൾ ഇതിനകം ഉണ്ടായിട്ടുണ്ട്. ഇതൊരു സൂചനയാണ്, വലിയത് വരാനിരിക്കുന്നതിൻ്റെ.

ഇതുവരെ മരണങ്ങൾ ഉണ്ടായിട്ടില്ല, അതൊരു ഭാഗ്യമാണ്. നൂറുപേർ വരെ കയറിപ്പോകുന്ന ബോട്ടുകൾ ആലപ്പുഴയിലുണ്ട്. തീപിടിക്കാൻ എളുപ്പമുള്ള വസ്തുക്കൾ കൊണ്ടാണ് ബോട്ടിന്റെ നിർമ്മാണം.

പത്തുപേരിൽ കൂടുതൽ പേർ മരിക്കുന്ന ഒരു ഹൗസ് ബോട്ട് അപകടം (നിർഭാഗ്യവശാൽ) ഉറപ്പാണ്. എന്ന് എവിടെ എന്നുമാത്രം നോക്കിയാൽ മതി. അതിനു ശേഷം ഹൗസ് ബോട്ട് നിരോധിക്കാൻ പോകുന്നതിനേക്കാൾ നല്ലത് ഈ വിഷയം ഇപ്പോൾത്തന്നെ കൈകാര്യം ചെയ്യുന്നതാണ്. സൂക്ഷിച്ചാൽ ദുഃഖിക്കേണ്ട.

മുരളി തുമ്മാരുകുടി