“പിന്നേം ശങ്കരനെ” മുതല പിടിക്കുമോ?

ശങ്കരാചാര്യരുടെ ചെറുപ്പ കാലത്ത് അദ്ദേഹത്തിന് സന്യാസത്തിന് പോകാൻ ആഗ്രഹമുണ്ടായിരുന്നുവെന്നും അമ്മ അതിന് സമ്മതിച്ചിരുന്നില്ല എന്നും പിന്നീടൊരിക്കൽ കാലടി പുഴയിൽ കുളിക്കുന്പോൾ ശങ്കരനെ മുതല പിടിച്ചു എന്നും “എന്നെ സന്യാസത്തിന് പോകാൻ അനുവദിച്ചാൽ മുതല പിടി വിടും” എന്ന് ശങ്കരൻ പറഞ്ഞുവെന്നും, അങ്ങനെ ശങ്കരനെ പോകാൻ അമ്മ അനുവദിച്ചു എന്നും ഒരു ഐതീഹ്യം അച്ഛൻ പറഞ്ഞു ഞാൻ കേട്ടിട്ടുണ്ട്. കാലടിയിൽ മുതലക്കടവ് എന്നൊരു കടവ് പോലും ഉണ്ടെന്നാണ് എൻറെ ഓർമ്മ. ഞാൻ പല വട്ടം അവിടെ പോയിട്ടുണ്ട്. മുതല പോയിട്ട് ഒരു മുഴുത്ത മീനിനെ പോലും അവിടെ കണ്ടിട്ടില്ല.