തുമ്മാരുകുടിയിലെ ഒന്നാം റബ്ബർ യുദ്ധം!

ഞാൻ ജനിച്ച വീട്, വല്യമ്മയുടെ വീട്, അമ്മൂമ്മയുടെ ഇളയ സഹോദരിയുടെ മകളുടെ വീട്, മൂത്ത സഹോദരിമാരുടെ മക്കളുടെ വീട് എന്നിങ്ങനെ ആറ് വീടുകളും അതിനിടയിലുള്ള പാടവും തോടും കുളവും ഒക്കെ ഉൾപ്പെട്ട പ്രദേശമാണ് തുമ്മാരുകുടി. ഇരുപതോ ഇരുപത്തി അഞ്ചോ ഏക്കറുള്ള ഈ പ്രദേശം ഇപ്പോൾ ഇരുപതു ഭാഗമായി വിഭജിച്ചു പോയിട്ടുണ്ടെങ്കിലും ഭൂരിഭാഗവും ഇപ്പോഴും ‘തുമ്മാരുകുടിക്കാരുടെ’ കൈയിൽ തന്നെയാണ്.